Van alle gebiede waarin Oppierif Manskoshuis presteer is sport seker een van die mees erkende prestasies op die RAU kampus. Oppierif blink uit veral in sport soorte soos Rugby, Krieket, Hokkie, Tennis, Muurbal, Swem, Atletiek, Gholf ens.

Hier volg 'n kort beskrywing van Oppierif Manskoshuis se prestasies op die gebied van Sport...

Rugby

Die sport wat seker die meeste bekend is op die RAU kampus, is Rugby. In 1997 het Oppierif sy staal bewys toe die koshuis die die finaal eindstryd teen Dromedarus gewen het met 'n telling van 32-11. Blykbaar lyk dit of die seemanne dit weereens nie kon regkry nie en die Titanic het weereens gesink toe dit die mynhoop van Oppierif tref. Bastion kan ons nie eens van praat nie, want sodra as die manne begin Rugby speel pla hul aambuie links en regs. Oppierif het 'n goeie begin in die koshuis liga gehad en het so genoeg wedstryde gewen om 'n gaatjie in die seemanne se lugskip te steek. As u 'n goeie Rugby liefhebber is, kom gerus na Oppierif en kry dan miskien die kans om teen die Springbokke te oefen. Bly net uit die pad uit van Sir Quit, as hy vir Chester Williams se linker nier kan uit tackle sal hy sommer jou pankreas laat bars.

In 1998 het Oppierif weer gewys wie is baas toe ons tot die semifinaal toe deurgedring het. Die daghuise het soos gewoonlik vroeg uitgeval, want souties kan mos eintlik nie rugby speel nie. Die ander koshuise het hierdie jaar 'n tawwe poging gelewer. 

Met Intervarsity was Oppierif die enigste ksohuis wat hul Rugby Game teen Tuks gewen het - Sê nogal baie nè ?

Hokkie  

Nog 'n sportsoort waarin Oppierif uitblink is Hokkie, ook genoem Mofstok. In 1997 het Oppierif hul hokkie stokke gesit waar dit sal seermaak en het sodoende 'n hele paar wedstryde gewen. Theo, Murray, Trevor en hul spannetjie het amok gesaai onder die dames van Bastion sodat hulle nie weet watter kant toe nie. Die Kanniedood drie wat 'n span is op hul eie het nie geweet of hulle kom of gaan nie. Oor die algemeen kan daar ook gesê word dat Oppierif 'n redelike sterk Hokkie Koshuis is en daar moet reken gehou word wat ons ouens met 'n stok kan aanjaag.

'98 het weer 'n jaar gesien waarin Oppierif al die ander spanne laat rape !@#. Tot op hede is die Oppierif Hokkie span nog nie oorwin nie. Die Semi-finale kom nog en ons het ons plekkie in die son.

Krieket  

Op die gebied van Krieket kan daar gesê word dat Oppierif tot 'n krieket wedstryd kan interesant laat lyk deur die goeie boulwerk van  Johan 'Kuifie' van Loggerenberg. Net jammer hy wil nie so hard gooi as wat hy kan nie, anders is daar 'n paar urke dood. Lourens Matthee met sy goeie kolfwerk wat boulers en veldwerkers saam laat lewensversekering uitneem en die ander ouens wat ook die span maak moet nie vergeet word nie.

Eerstejaarsatletiek  

In 1997 was Oppierif die trotse koshuis deur tweede te kom in Eerstejaarsatletiek. Dit was alles danksy aan ouens soos Flash(Koning van MS) wat die 100m in onder elf sekondes voltooi het en toe nog 'n bier gedrink het toe hy vir die ander wag om klaar te maak. Anthony in die 3000m stap wat 'n mens sommer amborstig maak as jy aan die afstand dink en die res van die spannetjie wat ons laat wen het moet ook vir dank in die ry kom staan.

Gholf

Oppierif het in 1997 ons plek in 'n Eerste plek in geswaai en in 1998 in 'n tweede plek in. Ons kan net ons dank betoon aan ons Gholf spannetjie wat hul bes gelewer het om die koshuis naam weer na vore te dra op die snaakste plekke.

Send mail to [email protected] with technical questions or comments about this web site.
Last modified: October 13, 1998